লুকাই থকা প্ৰজ্ঞাকণ
লুকাই থকা প্ৰজ্ঞাকণ
...Debojit Bharali
আমি স্বীকাৰ কৰিলেও বা নকৰিলেও আমি জানো......
আমাৰ মাজত জীৱনৰ ভাল আৰু বেয়াৰ উপাদান সমূহৰ এটা সংমিশ্ৰণ থাকেই ।
আৰু সেই সমূহৰ দ্বাৰাই সমাজ এখনৰ দিশ নিৰ্ণিত হয় ।
এতিয়া কথা হ'ল । সেই সংমিশ্ৰণৰ ভাৰসাম্যৰ ধাৰাতো কেনেদৰে অব্যাহত
থাকিলে আমাৰ মংগল হব সেয়া । আমি বিভিন্ন পৰিস্থিতিৰ মাজেৰে আহি অভিজ্ঞতা পুষ্ট হওঁ । সেই পৰিস্থিতি সমূহে আমাক ভিন ভিন ধৰণে শিকাই যায় । আমি আগবাঢ়ো , পৰিস্থিতিয়ে আৰু শিকাই ।
দৈনন্দিন
কাৰ্যক্ষেত্ৰ খনত আমি সমাজৰ নানান উপাদান সমূহৰ সৈতে মূখামুখি হওঁ । বহু জনৰ সান্নিধ্যত আমি নানান কথা শিকি বুজি নিজকে এটা এনে পৰ্যায়লৈ লৈ যাওঁ যিটো পৰ্যায়ত আমি নিজৰ সতে পুনৰবাৰ চিনাকি হওঁ । সেই শিকি অহা কথাবোৰ আমি মন্থন কৰোঁ । সেই মন্থনৰ পৰা পৃথক পৃথক ধৰণৰ জীৱনৰ প্ৰমূল্য সমূহ উদ্ভৱ হৈ ওলাই আহে । সেই প্ৰমূল্য সমূহৰ নানানটা দিশ সূচনা হয় । কিছু কিছু ভাল দিশৰ লগতে কিছু কিছু বেয়া দিশৰো সূচনা হয় । আমাৰ সেই বেয়া দিশ সমূহে সমাজত বহুসময়ত অহেতুক পৰিস্থিতিৰ সৃষ্টি কৰে আৰু সমাজৰ অধোগতি হয় । কিন্তু সেই অধোগতিক মন্থৰিত কৰাৰ দায়িত্ব আমাৰ হাততেই লুকাই থাকে যিহেতু আমাৰ জীৱনৰ মাজতেই সেই ভাল দিশ সূচনা কৰা প্ৰমূল্য সমূহো লুকাই থাকে ।
সেই সৎ প্ৰমূল্য সমূহে আমাৰ মাজত সৎ চিন্তা আৰু সৎ তাগিদাৰ সৃষ্টি কৰে । সেই সৎ তাগিদাৰ বশৱৰ্তী হৈ আমি জীৱনক আলোকিত কৰি সমাজৰ বাট সমূহ পোহৰাই তুলিব পাৰোঁ । তাতেই মানুহৰ নিহিত হৈ থাকে লুকাই থকা প্ৰজ্ঞাকণ ।
Comments
Post a Comment