।।অনুভৱৰ দুশাৰী ।।

।। অনুভৱৰ দুশাৰী ।।

                                দেৱজিৎ ভৰালী 
কোষত থকাৰে দিনৰে পৰা
আজিলৈকে মাথোঁ
মৰমকে ঢালিছ ।

তোৰ বুকুৰ কোঁহে কোঁহে
এসোপা আৱদাৰৰ ফেঁহুজালি ।
দিন , ক্ষণ , লগ্নৰ কথা নাই,
কেৱল দিবলৈহে শিকিলি...।

'' বিনিময়' শব্দটো
তোৰ অভিধানত নাই ।

খংবোৰতো দেখো মৰমৰ বুলনি, চিৰিপনিৰ কোব'তো থাকে
স্নেহ অঞ্জলি  ।

তই এটি বিস্ময়,
ঈশ্বৰৰ  অংগ ।

ধাৰ সুজাৰ কথা ভাৱিবই নোৱাৰোঁ ।
মোৰ জীৱনৰ এটি প্ৰাৰ্থনা তই ।

মা !  তোলৈ মোৰ কথাৰ অভাৱ ।

অনুভৱ কৰিবলৈকে দে ,
মা, মাথোঁ অনুভৱ কৰিবলৈ দে ।

( "মা" লৈ উৎসৰ্গিত ।) 

Comments

Post a Comment

Popular posts from this blog

World Environment Day : Relevancy, Needs & Deeds

Image
  World Environment Day : Relevancy, Needs & Deeds   Debojit Bharali   As expectedly, there is no change in the celebration of this day 5 th June, the “ World Environment Day ” as designated by the United Nations in view of the awareness and cooperation of the people on environmental conservation, environmental pollution, population growth etc. Every year this day comes to us and leaves again through various thoughts, plans, resolutions and activities and this tradition will continue today also. But the question is, has nature really benefited from this special day in terms of environmental conservation?   We are proud to be the cause of the rise of human civilization and have forgotten that mankind is also a part of nature and most of us are just so-called nature lovers, leaving the responsibility of nature conservation in the hands of the government and we seem to be ignoring the fact that we have an equal responsibility to conserve the environment...
Read more

।। জীৱন-ৰেখা ।।

।। জীৱন-ৰেখা ।।                          ........দেৱজিৎ ভৰালী । কষ্ট । জীৱনৰ এডাল ৰেখা । জীৱন পোৱাৰ দিনাই অংকন কৰা এই ৰেখাডাল আজীৱন থাকি যায় । বহু চেষ্টা কৰে জীৱনে ৰেখাডাল মচি পেলাবলৈ কিন্তু সেই চেষ্টা ব্যৰ্থ হয় সৰহভাগ সময়তে । আচলতে সময়েই লগ নিদিয়ে সেই কাৰ্যত । জীৱনে তেন্তে কিয় উপলব্ধি কৰিব নোৱাৰে... সেই ৰেখাডাল যে এডাল জীৱনৰেখা ? কিয় বুমেৰাং হৈ ঘুৰি আহিব বুলি জানিও  বাৰে বাৰে চেষ্টা কৰে সেইডাল দলিয়াই পেলাবলৈ ? কিয় জীৱনে বোধ নকৰে যে কষ্টৰ ৰেখাডাল সজীৱ হৈ আছে মানেই জীৱন আছে ? এৰা...... নকৰে হয়তো এইকাৰণেই...... যে জীৱন সুখ পিয়াসী ,  হৰ্ষ পিয়াসী । জীৱনক উপভোগ লাগে , আনন্দ লাগে , বিনোদ লাগে , জীৱনক বিশ্ৰাম লাগে । জীৱন লৱৰি ফুৰে ; জীৱন দৌৰি ফুৰে  এনে কিছু পাৰ্থিৱতাৰ দিশে য'ত কষ্টৰ কোনো স্থান নাই । তাতনো কেনেকৈ থাকিব । সেই ৰেখাডাল দেখোন জীৱনতেই আছে । জীৱনে সেই পাৰ্থিৱতাৰ পৰশত একধৰণৰ মছগুল হৈ পৰে । সেই মছগুল প্ৰবৃত্তিয়েই আচলতে জীৱনৰ  কষ্টৰ ৰেখা...
Read more

-জীৱন আৰু সন্তুষ্টি-

- জীৱন আৰু সন্তুষ্টি - সন্তুষ্টি জীৱনৰ বাবে এটি প্ৰশ্ন । যি হয়টো   একপ্ৰকাৰে আজীৱন প্ৰশ্ন হৈয়েই থাকি যায় । জীৱনৰ ভিন ভিন সময়ৰ পৰিপ্ৰেক্ষিতত ইয়াৰ উত্তৰ বিচাৰি পোৱা যায় যদিও শেষ মুহূৰ্তত পুনৰ যেন প্ৰশ্নই হৈ উঠে । আমি ভাবি   যাওঁ জীৱনে সন্তুষ্টি দিলে .. কিন্তু কৰ ' বাত নহয় কৰ ' বাত যেন   ইয়াৰ বাবদ পোৱা উত্তৰটিয়ে  এটি   হ’লেও প্ৰশ্নবোধক   থৈ যায় । আমাৰ দায়িত্ব তথা ইয়াৰ পালনাৰ্থে কৰি যোৱা জীৱনৰ কৰ্মৰাজিৰ মাজত জীৱনে এনেদৰে গাঁথি লাগি সোমাই পৰে যে সেই গাঁথিবোৰ খোল খোৱাৰ প্ৰক্ৰিয়া শেষ হোৱালৈকে ই প্ৰায় ক্লান্ত হৈ পৰে আৰু ক্ষন্তেক জিৰণি ল’বলৈ চেষ্টা কৰে । সেই জিৰণি লোৱাৰ মুহূৰ্তবোৰত যেতিয়া জীৱনে এৰি   অহা সময়বোৰ আৰু ব্যস্ততাবোৰৰ কথা সোঁৱৰে তেতিয়াই সন্তুষ্টিয়ে যেন ক্ষন্তেক দেখা দিয়েহি । জীৱনে মিচিকিয়াই । কিন্তু সেই মিচিকনিত সন্তুষ্টিৰ ছাঁ বহুসময়ত যেন নপৰেহি । প্ৰকৃতাৰ্থত সেই   ছাঁ আমাৰ মাজতেই লুকাই   থাকে । আজীৱন শেষ ...
Read more